BE RU EN

Расейскіх памежнікаў на мяжы з Кітаем замянілі на пудзілаў

  • 25.08.2015, 15:23

На мяжы Расейскай Федэрацыі і Кітая на памежнай вышцы каля левага берага ракі Амур замест памежнікаў дзяжурыць пудзіла.

Адпаведныя здымкі апублікаваныя на сайце news.voc.com.cn, піша "Лiга.нет".

На фотаздымках, зробленых на максімальным "зуме" на рачным участку мяжы па фарватэры Амура, відаць, што на памежнай вышцы стаіць пудзіла ў старой вайсковай форме.

Са слоў работнікаў кітайскага выдання, практычна ўся расейская мяжа з іх краінай не ахоўваецца зусім або ахоўваецца толькі перыядычна. Яе працягласць складае 4209,3 км.

Апошнія навіны