Знішчальнікі NATO двойчы за тыдзень перахоплівалі расейскія самалёты
- 24.08.2015, 19:18
Знішчальнікі ВПС NATO, якія базуюцца на літоўскай авіябазе Зокняй, з 17 па 23 жніўня два разы былі паднятыя ў паветра для суправаджэння расейскіх вайсковых самалётаў.
Як паведамляе «Главком», пра гэта паведамляецца ў аглядзе, апублікаваным міністэрствам абароны Літвы.
Знішчальнікі NATO двойчы атрымалі загад на ўзлёт 17 жніўня. Спачатку вылет быў звязаны з апазнаннем расейскага самалёта радыёэлектроннай разведкі Іл-20.
Затым у той жа дзень самалёты альянсу суправадзілі, згодна літоўскаму вайсковаму міністэрству, расейскі вайскова-транспартны Іл-18. Гэты борт здзяйсняў палёт паводле загадзя ўзгодненага плану, з падтрыманнем радыёсувязі з зямлёй і з уключаным транспондэрам. Парушэння паветраных межаў Літвы зафіксавана не было.