Самалёт, які вылецеў з Каўнаса, вярнуўся праз п'яных беларусаў

• 2.08.2015, 12:22

У суботу 1 жніўня ўвечары з Каўнаса ў Алікантэ вылецеў самалёт, пасажырам якога давялося перажыць шок.

Ледзь самалёт перасёк мяжу з Польшчай, як яму давялося развярнуцца і ляцець назад у Кармелаву, піша ru.DELFI.lt.

Дзяжурны работнік «Літоўскіх аэрапортаў» інфармаваў партал Kas vyksta Kaune аб тым, што самалёт быў вымушаны вярнуцца ў Каўнаса праз бойку на борце. Чытачы партала Kas vyksta Kaune ў суботу тэлефанавалі ў рэдакцыю, пісалі паведамленні з просьбай высветліць, што адбываецца ў небе над Каўнасам, паколькі над Кулаўтувай і Раўдандварысам кружляў самалёт. Самалёт павінен быў пазбавіцца ад лішняга паліва, каб паспяхова зрабіць пасадку.

Уначы прадстаўнік Службы аховы дзяржаўнай мяжы Рокас Пукінскас інфармаваў DELFI, што канфлікт у самалёце разгарэўся паміж п'янымі сямейнікамі з Беларусі. Муж з жонкай (яны ляцелі з двума малалетнімі дзецьмі) сталі лаяцца, разгарэўся не жартоўны канфлікт, таму экіпаж самалёта наважыў вярнуцца.

Са слоў памежнікаў, з самалёта высадзілі п'яных беларусаў з дзецьмі і аднаго грамадзяніна Літвы, пасля чаго самалёт дазаправілі, і ён вылецеў у Алікантэ.