Куды прапаў кіраўнік Мінабароны Беларусі?
- 2.08.2015, 10:39
Віншаванне вайскоўцам з Днём дэсантнікаў і сіл спецыяльных аперацый падпісанае «выконваючым абавязкі міністра абароны» Алегам Белаконевым.
Яно было апублікаванае 31 ліпеня на сайце ўстановы.
Раней віншаванні вайсковаслужачых як з Днём дэсантнікаў, так і з іншымі святамі, якія тычацца беларускага войска, падпісваліся кіраўніком Мінабароны.
На гэты момант вайсковую ўстанову афіцыйна ўзначальвае Андрэй Раўкоў. Ён быў прызначаны на пасаду кіраўніка Міністэрства абароны 27 лістапада 2014 і змяніў на гэтай пасадзе Юрыя Жадобіна. Алег Белаконеў з'яўляецца намеснікам Андрэя Раўкова.
Кіраўніка Міністэрства абароны, згодна з заканадаўствам, павінен прызначаць Аляксандр Лукашэнка, а сцвярджаць "парламент". Аднак на афіцыйным сайце кіраўніка няма ніякага ўказу аб прызначэнні генерал-маёра Алега Белаконева (які, дарэчы, з'яўляецца выхадцам Расеі) выконваючым абавязкі кіраўніка ўстановы.