Нацбанк выняў з банкаўскай сістэмы 5 трыльёнаў

• 8.07.2015, 18:16

Нацбанк РБ правёў карэктаванне банкаўскай ліквіднасці, выняўшы на тыдзень лішкі 5 трлн рублёў.

Да аўкцыёну былі дапушчаныя заяўкі ад 15 удзельнікаў са стаўкамі ад 17% да 27,73% гадавых на агульную суму 6 532,6 млрд рублёў, піша АФН.

У выніку сума эмісіі склала 5 трлн рублёў, даходнасць па сярэднеўзважанаму кошту склала 18,94% гадавых, што прыкладна на 1 адсоткавы пункт вышэй за рынкавыя стаўкі.