Найбуйнейшыя банкі Расеі скарачаюць персанал праз санкцыі
- 6.07.2015, 12:18
Найбуйнейшыя расейскія банкі «Ашчадбанк Расеі», «БТБ» і «Альфа-банк» працягваюць скарачаць персанал сваіх еўрапейскіх аддзяленняў праз уплыў санкцый.
Пра гэта паведамляе агенцтва Bloomberg, піша УНИАН.
Паводле звестак агенцтва, найбуйнейшы банк Расеі - «Ашчадбанк» скароціць сем чалавек у лонданскім офісе, давёўшы агульную колькасць персаналу да 40.
Група «ВТБ», другі па велічыні крэдытор Расеі, працягвае скарачаць персанал у Лондане пасля звальнення 55 чалавек у Еўропе ў мінулым годзе. На пачатак 2015 заходні персанал банка складаў 425 чалавек.
Акрамя таго, паводле звестак агенцтва, скарачэнні пройдуць і ў фінансавых установах, якія не патрапілі пад санкцыі. Так, «Альфа-банк» таксама плануе скараціць штат свайго аддзялення ў Лондане.
Агенцтва адзначае, што заходнія банкі імкнуцца абмежаваць сваё супрацоўніцтва з расейскімі фінустановамі, так як санкцыі ўскладняюць працу.
Нагадаем, Расея ў сакавіку 2014 года пасля ўвядзення войскаў анэксавала ўкраінскі Крым і пачала дэстабілізаваць абстаноўку на Данбасе. Расея пастаўляе тэрарыстам «ДНР» і «ЛНР» узбраенне і накіроўвае на Данбас наймітаў і свае рэгулярныя войскі.
Праз гэтыя дзеянні Еўразвяз, ЗША, Канада, Японія, Аўстралія і многія іншыя краіны ўвялі санкцыі супраць РФ.
17 ліпеня пастаянныя прадстаўнікі краін ЕЗ дамовіліся падоўжыць эканамічныя санкцыі супраць Расеі да 31 студзеня наступнага года.