На рэферэндуме ў Грэцыі прагаласавалі 35% выбаршчыкаў

• 5.07.2015, 16:59

Рэферэндум у пытанні пагаднення з міжнароднымі крэдыторамі, які праходзіць цяпер у Грэцыі, хутчэй за ўсё, адбудзецца.

Пра гэта паведаміў грэцкі прыватны тэлеканал Mega TV, піша «Интерфакс».

З яго звестак, ужо ў галасаванні ўзялі ўдзел блізу 35% выбаршчыкаў. Для таго, каб прызнаць рэферэндум, трэба, каб прагаласавала не менш за 40% ад тых, хто маюць права голасу.

Прэм'ер-міністр Грэцыі Алексіс Цыпрас пасля галасавання заявіў журналістам на выбарчым участку, што народ краіны вызначае свой лёс. «Ніхто не можа ігнараваць волю народа жыць з рашучасцю, узяўшы лёс у свае рукі», - сказаў ён, паклікаўшы насельніцтва сказаць «не» патрабаванню крэдытораў.

Кіраўнік грэцкага мінфіна Яніс Варафакіс падтрымаў прэм'ера, заявіўшы, што ў выпадку, калі народ пагодзіцца з патрабаваннямі крэдытораў, ён падасць у адстаўку.

Кіраўнік МЗС ФРГ заявіў у нядзелю, што адмова грэкаў ад патрабаванняў крэдытораў не зробіць кампраміс больш лёгкім, «а наадварот».

У той жа час прэм'ер-міністр Італіі Матэа Рэнца ў інтэрв'ю італьянскаму выданню Il Messaggero заявіў, што Еўропе варта вярнуцца за стол перамоваў з Афінамі незалежна ад вынікаў рэферэндуму.