У Дзень ПДВ гомельскія фантаны адключаць на прафілактыку

• 31.07.2015, 18:41

Іншых афіцыйных забаўляльных мерапрыемстваў для былых байцоў мабільных сіл у горадзе не плануецца.

У Гомлі выгадавалі ўжо некалькі пакаленняў байцоў мабільных сілаў, якія не купаліся ў фантанах. Пяты год адключэнне гэтых аб'ектаў з выпадковага супадзення адбываецца ў Дзень паветрана-дэсантных войскаў. А сёння - яшчэ і ў Дзень чыгуначніка.

- 2 жніўня фантаны з распараджэння гарвыканкама будуць адключаныя, - паведамілі Onliner.by на прадпрыемстве «Гомельская гарадская ЖКГ», не звязваючы гэтую падзею ні з якімі святамі. - Запланаваныя прафілактычныя працы.

Нядаўна адслужыўшыя хлопцы звычайна забаўляюць сябе самі, збіраючыся ў зарэчнай зоне Сожа ці гуляючы па горадзе. Чыгуначнікі ў нядзелю адзначаць прафесійнае свята спартовымі спаборніцтвамі.

Зрэшты, тыя, хто служыў у сапраўдных паветрана-дэсантных войсках, даўно ўжо не захапляюцца заплывамі ў фантанах. Але маладыя воіны больш па звычцы ўсё яшчэ прыходзяць да асушаных мясцінаў рытуальных купанняў.