Дэйв Льюіс застаўся галоўным трэнерам нацыянальнай каманды Беларусі ў хакеі

• 31.07.2015, 16:20

Федэрацыя хакея дамовілася з канадскім спецыялістам Дэйвам Льюісам аб падазжэнні ягонай працы на пасадзе галоўнага трэнера нацыянальнай каманды краіны ў хакеі.

Пра гэта сёння на брыфінгу паведаміў журналістам старшыня ФХРБ Ігар Рачкоўскі, паведамляе БелТА.

«Дэйв Льюіс прыедзе ў Беларусь 13 жніўня. Дамоўленасць аб прадаўжэнні ягонай працы на пасадзе галоўнага трэнера нацыянальнай каманды дасягнутая. Паводле ягонага прыезду плануецца падпісаць са спецыялістам новы кантракт», - сказаў Ігар Рачкоўскі.

Таксама кіраўнік ФХРБ паведаміў, што доўгатэрміновы кантракт падпісаны з асістэнтам галоўнага трэнера нацыянальнай хакейнай дружыны Уладзімірам Бурэ, які адказвае за функцыянальную падрыхтоўку гульцоў.

«Чэмпіянат свету-2015 у Чэхіі паказаў неабходнасць супрацоўніцтва з гэтым спецыялістам высокага класа», - падкрэсліў Ігар Рачкоўскі, дадаўшы што Уладзімір Бурэ таксама будзе выконваць ролю дарадцы старшыні ФХРБ у пытаннях функцыянальнай падрыхтоўкі. У трэнерскім штабе нацыянальнай каманды плануецца захаваць замежных спецыялістаў Мікаэля Ленера і Крэйга Вудкрофта. Прадоўжаць асіставаць Дэйву Люісу таксама Алег Антоненка і Андрэй Мезін, з якімі кантракты былі ўкладзеныя раней. Усе гэтыя спецыялісты будуць удзельнічаць у падрыхтоўцы не толькі нацыянальнай, але і іншых каманд краіны малодшых узростаў, растлумачыў Ігар Рачкоўскі.