Андрэй Курэйчык паказаў фільм з Кулінковічам у галоўнай ролі
- 31.07.2015, 10:07
Скончыліся здымкі і мантаж беларускага сіткома «Гараш».
Яны доўжыліся пяць дзён.
Першы паказ для сяброў адбыўся дома ў рэжысёра Андрэя Курэйчыка, паведамляе тэлеканал «Белсат».
Галоўны герой, якога згуляе лідар гурта «Нейра Дзюбель» Аляксандр Кулінковіч, затрымаўся ў постсавецкім часе. Ён - такая ж дзіўнае з'ява, як і жылы раён Шабаны, захраснуў паміж прамзонай і сметнікам, як і ўся краіна.
«Цікава стварыць, паказаць дарослага чалавека. Бо маладых герояў шмат, асабліва на расейскіх экранах, з нашай краіны людзі едуць туды працаваць. А вось дарослага героя дагэтуль няма», - казаў рэжысёр.
Асноўныя дзеянні праходзяць у гаражы на ўскраіне горада, але ў фільме таксама будуць і беларускія чыноўнікі, і моладзь.
Прагляд скончыўся бурным абмеркаваннем. Прэм'ера пройдзе ў верасні.