3 ліпеня з перакручаным сцягам

• 3.07.2015, 18:47

Перакручанае палатно было заўважанае на адной з цэнтральных вуліц Менска.

Надоечы былы кіраўнік Магілёўскай вобласці Барыс Батура разам са старшынём «савета рэспублікі» Міхаілам Мясніковічам прапанавалі прымушаць беларусаў вывешваць падчас дзяржаўных святаў афіцыйныя сцягі на свае прыватныя дамы.

Гэтую прапанову раскрытыкаваў старшыня «Таварыства беларускай мовы» Алег Трусаў, звярнуўшы ўвагу на тое, што нават чыноўнікі, калі вешаюць сцяг, часта не ведаюць дзе верх, а дзе ніз.

Не абышлося без памылкі і на 3 ліпеня, калі ўлады адзначае Дзень Незалежнасці. Перакручанае палатно было заўважанае на адной з цэнтральных вуліц Менска, перадае «Радыё Рацыя».