Фінляндыя не пусціла Нарышкіна на сесію ПА АБСЭ

• 1.07.2015, 11:37

Фінляндыя адмовілася выдаць дазвол на ўезд у краіну спікеру Дзяржаўнай Думы Сяргею Нарышкіну.

Пра гэта ТАСС паведаміў прадстаўнік фінляндскага МЗС Вагі Хякінен. Ён патлумачыў гэта тым, што расейскі палітык знаходзіцца ў санкцыйных спісе ЕЗ.

«Да таго, як была прынятая канчатковая пастанова, мы кансультаваліся з іншымі краінамі-сябрамі ЕЗ, кіраўніцтвам ЕЗ і АБСЕ», - распавёў Хякінен.

З ягоных слоў, акрамя Нарышкіна, магчымасці пабываць у Фінляндыі пазбаўленыя яшчэ пяць расейцаў, якія знаходзяцца ў чорных спісах. Іх прозвішчы прадстаўнік фінляндскага МЗС называць не стаў. «Але інфармацыя аб людзях з санкцыйнага спісу ЕЗ з'яўляецца адкрытай», - дадаў Хякінен.

Нарышкін збіраўся ўзяць удзел у сесіі Парламенцкай асамблеі (ПА) АБСЕ ў Хельсінкі, якая пройдзе з 5 да 9 ліпеня, піша Lenta.ru.

Пра намер спікера Дзярждумы пабываць у сталіцы Фінляндыі стала вядома ў канцы траўня. Тады паведамлялася, што расейская дэлегацыя рыхтуе некалькі прапаноў для разгляду на сесіі ПА.

Бліжэйшая сесія Парламенцкай асамблеі АБСЕ прысвечаная 40-гадоваму юбілею Хельсінкскага пагаднення.