BE RU EN

Генадзь Фядыніч: Пасля «выбараў» тэмпература ў Беларусі напаліцца да максімуму

  • 3.06.2015, 9:52

Становішча ў краіне нагнятаецца, у тым ліку і ўладамі.

Лідар прафсаюза радыёэлектроннай прамысловасці Генадзь Фядыніч праводзіць паралель сённяшняй эканамічнай сітуацыі з 90-мі гадамі мінулага стагоддзя, піша «Салiдарнасць».

- Тады на «Крышталі» рабочым выдавалі заробак прадукцыяй, і жонкі сустракалі мужоў з працы. Такая сістэма разлікаў была небяспечнай для сямейнага бюджэту. Не дай Бог сёння заробак на заводзе шампанскіх вінаў пачнуць выдаваць прадукцыяй! - кажа ён, каментуючы сітуацыю з выдачай заробку на некаторых прадпрыемствах прадукцыяй.

Са слоў Фядыніча, цяпер абстаноўка нагнятаецца, у тым ліку і ўладамі, маўляў, трымайцеся за працу, таму што іншай не знайсці. У той жа час кіраўніцтва краіны нічога не робіць, каб стварыць новыя працоўныя месцы.

- Пакуль народ адкрыта не выказвае незадаволенасць. Хіба што ў прыватных гутарках скардзяцца тыя, хто працуе за 2,5 мільёна, - адзначае суразмоўца. - Не думаю, што адразу па ўсёй краіне паўстане ўсплёск народных абурэнняў. Мой прагноз: пасля прэзідэнцкіх выбараў тэмпература ў Беларусі напаліцца да максімуму.

Апошнія навіны