Кіраўнік Нацбанка: Я не люблю слова «дэвальвацыя»

• 6.05.2015, 12:36

Кіраўнік Нацбанка Павел Калавур абяцае ўстанаўліваць курс беларускага рубля рынкавым спосабам.

Пра гэта Павел Калавур заявіў на прэс-канферэнцыі 5 траўня, піша «Комсомольская правда в Беларуси».

«Я не люблю слова дэвальвацыя, калі вы звярнулі ўвагу, я яго ніколі не выкарыстоўваю, - сказаў ён. - Гэта вельмі непрыемны інструмент, я асабіста аддаю перавагу палітыцы больш гнуткага абменнага курсу, калі праз попыт і прапанову ёсць магчымасць рэагаваць на розныя замежныя шокі. На мой погляд, у нашых умовах гэта найбольш прымальная палітыка. Хоць, вядома, калі б мяне спыталі, якая самая правільная палітыка з пункту гледжання выбудоўвання бізнэсу і прадказальнасці курсу, я б адказаў: палітыка фіксаванага абменнага курсу. Але, на жаль, фіксаваны абменны курс - гэта не для нашай эканомікі».