Заўтра ў Менску пройдзе сустрэча кантактнай групы аб Данбасе

• 5.05.2015, 21:03

6 траўня ў Менску пройдзе сустрэча кантактнай групы з тэрарыстамі "ЛНР" і "ДНР".

Асноўная задача сустрэчы - распачаць працу падгруп бяспекі, палітычных, эканамічных і гуманітарных складнікаў Менскага пагаднення.

Пра гэта паведаміла ў Facebook прэс-сакратарка другога прэзідэнта і прадстаўніка Украіны ў групе Леаніда Кучмы Дар'я Алефір, паведамляе Цензор.НЕТ.

"6 траўня ў Менску адбудзецца сустрэча ўдзельнікаў Трохстаронняй кантактнай групы з прадстаўнікамі т.зв."ДНР" і "ЛНР". Пачатак сустрэчы - а 14:00. Асноўная задача сустрэчы - распачаць працу падгруп бяспекі, палітычных, эканамічных і гуманітарных складнікаў Менскага пагаднення. Каардынатарамі гэтых падгруп будуць прадстаўнікі АБСЕ", - напісала яна.