Фотафакт: Графіці «Свабоду працоўнаму народу» ў Менску

• 4.05.2015, 14:52

Актывісты ўпрыгожылі адну са сцен сталіцы новым графіці.

Пра гэта charter97.org распавёў актывіст Іван Дуб.

«Актывісты ініцыятывы «Пошуг» намалявалі ў Менску графіці ў знак міжнароднай салідарнасці працоўных у барацьбе за свае правы. На жаль, першасны сэнс гэтага дня падменены на свята ўсхвалення дзяржавы. Эксплуататарскія дзяржавы, якія ставяць сваёй мэтай ператварыць працоўны народ у быдла, усяляк прыгнятаюць народнае імкненне да свабоды і справядлівасці», - піша ён.

Нагадаем, актывісты з грамадскага аб'яднання «Пошуг» рэгулярна распісваюць сцены розных гарадоў Беларусі сацыяльна значнымі графіці.