Джон Кэры праз траўму перапыніў турнэ па Еўропе

• 31.05.2015, 15:36

Дзяржсакратар ЗША Джон Кэры ў сувязі з атрыманай падчас роварнага шпацыру траўмай спыняе замежныя візіты і вяртаецца ў Злучаныя Штаты.

Пра гэта паведаміў прадстаўнік амэрыканскага дзярждэпартамента журналістам у Жэнэве, піша «Інтэрфакс-Украіна».

Шэф амэрыканскай дыпламатыі катаўся на ровары каля французскай мяжы і ў выніку падзення зламаў сцягно.

Пра прычыны і абставіны атрымання траўмы не паведамляецца, дзярждэп адзначыў, што з месца інцыдэнту Джон Кэры быў дастаўлены гелікаптэрам ва ўніверсітэцкі шпіталь у Жэнэве, дзе яму надаецца дапамога.

Як паведаміў прадстаўнік дзяржсакратара Джон Кірбі, стан Джона Кэры стабільны. Раней планавалася, што Кэры ў нядзелю мусіў наведаць Мадрыд, а ў аўторак - Парыж.

Сёння Джон Кэры атрымаў траўму ногі пасля падзення з ровара паблізу французскага горада Сьёнзье і быў пільна дастаўлены гелікаптэрам у адну з клінік Жэнэвы.