Бацькі пакаралі акцёра з «Зорных войнаў» за адмову выдаваць спойлеры
- 3.05.2015, 10:49
Акцёр Джон Баега, які сыграў аднаго з галоўных герояў у сёмай частцы «Зорных войнаў», паплаціўся за адмову выдаць падрабязнасці новага фільма.
Паводле ягоных слоў, бацька прымусіў яго мыць посуд за ўсю сям'ю. Пра гэта Джон Баега піша ён у сваім акаўнце ў сетцы мікраблогаў «Твітэр».
Мяркуючы па фатаздымку, апублікаванаму акторам, яму давялося падпарадкавацца волі бацькі.
Джон Баега з'яўляецца ў трэйлерах фільма «Зорныя войны: Эпізод 7 - Абуджэнне сілы» у касцюме імперскага штурмавіка, але без шлема.