BE RU EN

Кангрэс FIFA рыхтуецца развязаць лёс Блатэра

  • 29.05.2015, 9:23

209 дэлегатаў кангрэса FIFA ў пятніцу павінны абраць прэзідэнта арганізацыі.

Нягледзячы на карупцыйны скандал, дзеючы прэзідэнт Зэп Блатэр вылучае сваю кандыдатуру пятым разам, паведамляе руская служба BBC.

У Швейцарыі былі арыштаваныя сем высокапастаўленых чыноўнікаў FIFA ў рамках расследавання праваахоўнымі органамі ЗША, якія вылучаюць абвінавачванні супраць 14 чалавек.

Чакаецца, што нягледзячы на скандал, дзеючы прэзідэнт Зэп Блатэр будзе пераабраны на сваю пасаду.

Альтэрнатыўную кандыдатуру высунуў прынц Алі бін Аль-Хусейн з Іарданіі.

Пасля арыштаў у Цюрыху шмат хто ў FIFA патрабавалі адстаўкі Блатэра, аднак той заявіў, што сыходзіць не збіраецца.

Зеп Блатэр і прынц Алі выступяць перад прысутнымі дэлегатамі. На прамову кожнага выдзелена 15 хвілін.

Затым кожны прадстаўнік прысутных 209 дэлегацыі аддасць свой голас за аднаго з кандыдатаў.

Для перамогі ў першым раундзе кандыдат павінен заручыцца двума трацінамі галасоў.

Калі ні адзін з кандыдатаў не набярэ неабходных 140 галасоў, то для перамогі ў другім туры трэба толькі большасць галасоў.

Апошнія навіны