Песня года па версіі Rock Profi - «Воины света»
- 28.05.2015, 23:07
Беларускія музыкі назвалі самых паспяховых калегаў 2014 года.
У бары «Хуліган» 28 траўня прайшла цырымонія ўручэння прафесійнай музычнай прэміі Rock Profi. Узнагароды ўручылі ў шасці намінацыях. Прычым, пераможцаў вызначалі музыканты, якія выдавалі паспяховыя альбомы цягам апошніх трох гадоў, адзначае «Еўрарадыё».
У намінацыі «Дэбют года» перамог гурт Tonqixod.
Песняй года сталі «Воины света» гурту «Ляпіс Трубяцкі».
Прыз за «Запіс года» атрымалі гукарэжысёры Андрэй Жукаў і Алег Даманчук - за альбом «Thou» гурту Port Mone.
Прэмію «За ўклад» атрымаў гурт NRM.
У намінацыі «Лепшы альбом» перамог Лявон Вольскі з дыскам «Грамадазнаўства».
«Артыстам года» паводле версіі беларускіх музыкаў стаў гурт «Дай дарогу!».