Малдова і Румынія створаць супольны міратворчы батальён
- 22.05.2015, 19:03
Міратворчы батальён стане новым этапам умацавання вайскова-палітычных сувязяў дзвюх краін.
Пра гэта паведамляе "Еўрапейская праўда" са спасылкай на сайт мінабароны Малдовы.
"Досвед румынскага войска ў шматнацыянальных вучэннях і місіях можа быць выкарыстаны і для развіцця двухбаковых стасункаў краін і супольнага ўдзелу ў міратворчых місіях ААН і ЕЗ", - гаворыцца ў паведамленні.
Не выключаецца таксама ўключэнне ў склад міжнароднага батальёна вайскоўцаў Польшчы і Украіны.
Таксама прынятая пастанова аб пашырэнні супрацоўніцтва ў супольнай падрыхтоўцы войскаў, улічваючы станоўчы досвед нядаўніх манеўраў на румынскім палігоне Смэрдан, дзе праходзілі вучэнні з удзелам падраздзяленняў Вялікай Брытаніі, ЗША, Малдовы і Румыніі.