«Брэсцкае піва» зноў паспрабуюць прадаць

• 19.05.2015, 21:28

Чарговы аўкцыён продажу ААТ «Брэсцкае піва» пройдзе 1 ліпеня.

1 ліпеня 2015 года ў горадзе Берасці на адрасе: вул.Леніна, 11, каб.524 (будынак аблвыканкама) праводзіцца конкурс продажу акцый ААТ «Брэсцкае піва», паведамляе прэс-служба аблвыканкама.

Пачатковы кошт продажу 89,7% акцый ААТ «Брэсцкае піва» складае 166,8 млрд беларускіх рублёў. У параўнанні з няўдалым праз адсутнасць заявак травеньскім конкурсам цяпер пакет нават падаражэў на 3,2 млрд рублёў.

Нагадаем, што ў лістападзе 2014 года прадпрыемства прызнанае банкрутам. Сярод рэальных кандыдатаў на куплю пакета акцый часцей за ўсё можна было сустрэць «Аазіс груп» і «Аліварыю». Праз першага - вядомага вытворцу сокаў - на момант прызнання піўзавода банкрутам вёўся продаж «Брэсцкага піва». Што да менскай «Аліварыі», то інфармацыі аб сціску менскай пляцоўкі крыху менш гадоў, чым самому вытворцу. Нагадаем, «Аліварыя» уваходзіць у Carlsberg Group.