30 траўня і 12 чэрвеня ў Менску абмяжуюць продаж алкаголю

• 11.05.2015, 12:41

У беларускай сталіцы ў дні апошніх званкоў і выпускных вечароў будзе абмежаваны продаж алкаголю і піва.

Абмежаванні будуць дзейнічаць 30 траўня і 12 чэрвеня, паведамляе БелаПАН.

У гэты час крамам забаронена прадаваць гарэлку, лікёра-гарэлачныя вырабы, віно, каньяк, брэндзі, кальвадос, шампанскае і іншыя напоі ад 7% этылавага спірту. «Выключэнне зробяць для аб'ектаў грамадскага харчавання», - гаворыцца ў пастанове Менгарвыканкама №1059.

Кантраляваць выкананне гэтай пастановы будуць адміністрацыі раёнаў Менска, намеснікі старшыні Менгарвыканкама ў кірунках дзейнасці.