Катар набудзе ў Францыі 24 знішчальнікі

• 30.04.2015, 12:16

Катар мае намер купіць у Францыі 24 знішчальнікі Дасэн «Рафаль», паведамілі ў адміністрацыі французскага прэзідэнта.

Плануецца, што кіраўнік дзяржавы Франсуа Аланд 4 траўня прыедзе ў Доху, дзе будзе падпісаны кантракт, паведамляе руская служба BBC.

Са слоў блізкіх да перамоваў крыніц AFP, угода - справа вырашаная.

Як паведамляе Reuters са спасылкай на прадстаўніка міністэрства абароны Францыі, сума кантракту - 7,06 млрд. даляраў.