На білбордзе ў Падмаскоўі размясцілі пілотаў Люфтвафе

• 28.04.2015, 9:06

Скандальны білборд «Яны змагаліся за Радзіму» да 9 траўня ўсталявалі ў горадзе Іванцееўка Маскоўскай вобласці.

На фота можна ўбачыць лётчыкаў часоў Другой сусветнай вайны. Аднак гэта не савецкія лётчыкі, а нямецкія з Люфтвафе - экіпаж «Юнкерс». Пра гэта напісаў на сваёй старонцы ў сетцы мікраблогаў «Твітэр» журналіст Рустэм Адагамаў.

«Новая газета» паведамляе, што білборд быў аператыўна дэмантаваны, мясцовыя ўлады прынеслі свае прабачэнні за «прыкрае непаразуменне» і паабяцалі пакараць вінаватых.