Землятрус у Непале: колькасць загінулых перавысіла 3300

• 27.04.2015, 12:25

Колькасць загінулых пры землятрусе ў Непале перавысіла 3300.

Улады асцерагаюцца, што колькасць ахвяр гэтым не абмяжуецца, паведамляе BBC.

Цяпер ратавальнікі прадаўжаюць пошук целаў загінулых у разбураных гарадах і вёсках на захадзе краіны. Паводле звестак Міністэрства аховы здароўя Непала, колькасць пацярпелых перавышае 6000.

Актыўныя пошукавыя працы доўжацца ў раёне даліны Катманду, а таксама ў аддаленых паселішчах каля эпіцэнтра землятрусу, за 100 км на захад ад сталіцы краіны.

Да пошукава-выратавальнай аперацыі ў Непале ўжо падключыліся спецыялісты з Індыі, Кітая, Пакістана і Польшчы.