Еўрапейскія палітыкі прабеглі паўмарафон у Кіеве
- 26.04.2015, 13:43
Экс-прэм'ер Славакіі Мікулаш Дзурында з калегамі ўзяў удзел у забегу.
Еўрапейскія палітыкі ўзялі ўдзел у паўмарафоне ў бегу, які стартаваў у нядзелю, 26 красавіка, у Кіеве. Аб гэтым паведамляецца на старонцы арганізатараў забегу ў сацыяльнай сетцы «Фэйсбук».
Акрамя Мікулаша Дзурынды, у каманду ЕЗ увайшлі дэпутаты Еўрапарламента Дэта Харанзава (Чэхія), Іван Штэфанец (Славакія) і прадстаўнік Еўракамісіі Раман Баб’як.
Кіеўскі паўмарафон-2015 пачаўся а 9:00 26 красавіка і будзе да 18:00 маршрутам: Кантрактавая плошча (старт) - вуліца Сагайдачнага – Борычаў спуск - Набярэжная шаша - Гаванскі мост - вуліца Набярэжна-Рыбальская - Маскоўскі праспект - Маскоўскі мост - вуліца Труханаўская - Паркавы мост - Набярэжная шаша - Борычаў спуск - вуліца Сагайдачнага - Кантрактавая плошча (фініш).
Рух транспарту на названым маршруце будзе перацяты з 8:00 да 18:00 нядзелі, 26 красавіка.
Нагадаем, раней паведамлялася, што экс-прэм'ер Славакіі Мікулаш Дзурында стане дарадцам Пятра Парашэнкі.