Мянчук выклаў у сетку праграму для стварэння «вышыванак»

• 25.04.2015, 11:00

Праграміст з Менска Аляксандр Красоўскі напісаў бясплатную праграму для стварэння электронных малюнкаў арнаменту.

Цяпер ствараць уласныя «вышыванкі» можна прама ў браўзэры. Прасценькая праграма пакуль даступная для ўсіх, піша katolik-gomel.by.

У наладах можна задаваць лік квадратаў ў сетцы. Выніковы малюнак захоўваецца ў фармаце PNG. Аляксандр мае намер дапрацоўваць праграму, дадаючы новыя магчымасці.