Ранальду падарыў футболку дзіцяці, у якога трапіў мячом

• 24.04.2015, 21:57

Мяч трапіў у хлопчыка, які знаходзіўся на трыбуне за брамай.

Форвард «Рэала» Крышціяну Ранальду падарыў сваю футболку хлопчыку, у якога трапіў мячом падчас размінання перад матчам у адказ 1/4 фіналу Лігі чэмпіёнаў супраць «Атлетыка». Пра гэта паведамляе Lenta.ru са спасылкай на Bleacherreport.

Перад пачаткам сустрэчы партугальскі футбаліст адпрацоўваў штрафныя стрэлы. Пасля аднаго недакладнага стрэлу мяч трапіў у хлопчыка, які знаходзіўся на трыбуне за брамай. Медыкі, якія дзяжурылі на стадыёне, неадкладна агледзелі дзіця і пераканаліся, што ён сур'ёзна не пацярпеў.

Пасля заканчэння размінання Ранальду падышоў да заплаканага хлопчыка і пад воплескі трыбун падарыў яму сваю трэнінгавую футболку.

Сустрэча, якая адбылася 22 красавіка, закончылася перамогай «сметанковых» з лікам 1:0. Адзіны гол, які дазволіў «Рэалу» выйсці ў паўфінал Лігі чэмпіёнаў, з перадачы Ранальду забіў Хаўер Эрнандэс.

У траўні 2011 года падчас матчу чэмпіянату Гішпаніі супраць «Хэтафе» Ранальду выпадкова трапіў мячом у аднаго з заўзятараў мадрыдцаў. У мужчыны пайшла кроў з носа. Па заканчэнні гульні партугалец узняўся на трыбуну, папрасіў прабачэння і падарыў заўзятару сваю гульнявую футболку.