Легендарны Ранальдзіньё зняпраўдзіў чуткі аб сканчэнні кар'еры

• 18.04.2015, 13:47

Бразільскі паўабаронца Ранальдзіньё, які цяпер выступае за мексіканскі Керэтара, зняпраўдзіў чуткі аб сканчэнні кар'еры.

"Хачу сказаць, што ўсе размовы аб маім сыходзе з футбола не адпавядаюць рэчаіснасці. Цяпер я вельмі шчаслівы і нават не задумваюся пра гэта.

Не ведаю, ці змагу я яшчэ выступаць пяць-шэсць гадоў, але пакуль усё ідзе добра, і ў мяне няма прычын сканчаць кар'еру.

З таго часу, як я прыехаў у Мексіку, адчуваю сябе сапраўды шыкоўна. Збіраюся і далей рабіць тое, што ў мяне атрымліваецца лепш за ўсё", - перадае словы 35-гадовага бразільца goal.com.