У Фінляндыі пецярым катам надалі гонар герояў

• 18.04.2015, 10:29

Фінская Асацыяцыя катазнаўцаў упершыню ў гісторыі надала годнасць героя пецярым катом, якія жывуць у Фінляндыі

Пра гэты піша Еспресо.TV са спасылкай на фінскае выданне Yle.

Коткі і каты, якія атрымалі ганаровае званне, дапамаглі выратаваць чалавечыя жыцці, ці дапамаглі пазбегнуць сур'ёзных прыступаў хваробы.

Чацвёра з пяці узнагароджаных у гэтым годзе герояў - звычайныя каты без пароды. Узнагароды атрымалі Сімба з Коткі, Сэпа з Вантаа, Мары з Лахці і Кале з Парыкала.

Пятая гераіня, караткапоўсцевы арыентал Пірпана з мястэчка Руцюля - адзіная пародзістая котка ў гэтай кампаніі.

Вядома, што рыжы Сімба выратаваў жыццё свайго гаспадара, які пакутаваў ад дыябету. Аднойчы раніцай ён драпаў і кусаў гаспадара да таго часу, пакуль той не прачнуўся і не памераў узровень цукру ў крыві - стала зразумела, калі б кот не разбудзіў гаспадара, той бы памёр.