Белы дом аб угодзе на пастаўкі зброі Расеяй Ірану: Пуцін адчайна мае патрэбу ў грошах

• 17.04.2015, 14:31

Масква прадае ракеты Тэгерану «проста таму, што ёй патрэбныя грошы».

Пагадненне аб адпраўцы зеніна-ракетных комплексаў С-300, «паказвае, наколькі аслабленая іх эканоміка». Пра гэта заявіў у чацвер прэс-сакратар Белага дома Джош Эрнэст. Ягоныя выказванні цытуе The Washington Times (пераклад - Инопресса.ру).

Крэмль выявіўся ў «даволі адчайным становішчы», дадаў кіраўнік прэс-службы. Адной з прычын такога стану расейскай эканомікі ён назваў уведзеныя супраць Крамля санкцыі.

Нагадаем, 13 красавіка стала вядома аб тым, што прэзідэнт Расеі Уладзімір Пуцін зняў забарону на пастаўку зенітных ракетных сістэм С-300 у Іран.