Cadillac тэстуе новы красовер XT5

• 11.04.2015, 11:38

Кампанія Cadillac выпрабоўвае новы красовер XT5.

Прэм'ера аўтамабіля адбудзецца восенню 2015 на аўтасалоне ў Лос-Анджэлесе, піша autonews.ru.

Навінка пазіцыянуецца як замена SRX, аднак XT5 атрымае абсалютна новы дызайн. Мяркуючы паводле шпіёнскіх фатаграфіях аўтамабіль аснашчаецца вялікімі кратамі радыятара, вертыкальнымі фарамі, спадзістым дахам і двайной спартыўнай выхлапной сістэмай.

Тэхнічныя характарыстыкі навінкі пакуль невядомыя. Паводле неафіцыйных звестак, у маторную лінейку машыны ўвойдзе 2,0-літровы бензінавы турборухавік з чатырма цыліндрамі. Магутнасць рухавіка складае 265 конскіх сіл. Таксама будзе даступны 3,6-літровы «атмасфернік» V6 з аддачай 335 конскіх сіл.

Фота: worldcarfans.com