На вуліцах Менска ў «Дзень дурня» з'явіліся сцягі Расеі

• 1.04.2015, 15:56

Сцягі РФ развесілі на слупах уздоўж праспекта Незалежнасці - у раёне плошчаў Перамогі і Якуба Коласа.

Відавочна сімволіка суседняй дзяржавы з'явілася напярэдадні афіцыйнага свята - заўтрашняга «дня яднання народаў Беларусі і Расеі», аднак жыхары горада звярнулі ўвагу, што гэта адбылося менавіта сёння - 1 красавіка, калі ў многіх краінах свету, у тым ліку і ў нашай, адзначаюць «Дзень дурня».