Грэцыя шантажуе Еўразвяз наплывам уцекачоў

• 9.03.2015, 11:23

Урад Грэцыі, які стаіць на мяжы дзяржаўнага банкруцтва, прыстрашыў Еўразвяз перанакіраваннем ў Еўропу дзесяткаў тысяч уцекачоў.

Пра гэта ў нядзелю, 8 сакавіка, на пасяджэнні сваёй партыі «Незалежныя грэкі» заявіў міністр абароны краіны Панос Каменос. «Калі вы (маецца на ўвазе ЕЗ) нанесяце Грэцыі ўдар, то вы павінны ведаць, што мігранты атрымаюць праязныя дакументы і адправяцца ў Бэрлін», - прыводзіць словы правапапулісцкага палітыка агенцтва dpa.

Еўропе, праз яе пазіцыю ў пытанні грэчаскіх запазычанасцяў, самой трэба будзе несці адказнасць у тым выпадку, калі сярод гэтых уцекачоў апынуцца баевікі з тэрарыстычнай арганізацыі «Ісламскай дзяржавы», прыгразіў Каменос, паведамляе Deutsche Welle.

Прыкладна тыдзень таму з аналагічнымі пагрозамі выступіў намеснік міністра ўнутраных спраў Грэцыі. У якасці захадаў у адказ прафзвяз нямецкай паліцыі заклікаў еўрапейскіх палітыкаў у экстраным выпадку выключыць Грэцыю з Шэнгенскай зоны.