Ісламісты ў Іраку знішчаюць руіны горада III стагоддзя да нашай эры
- 7.03.2015, 15:13
Баевікі групоўкі джыхадыстаў «Ісламская дзяржава» прыступілі да разбурэння руін старажытнага горада Хатра ў Паўночным Іраку.
Пра гэта паведамляюць прадстаўнікі іракскіх курдаў, паведамляе BBC.
Руіны Хатры, горада, які быў заснаваны ў III стагоддзі да нашай эры і ўваходзіў у склад Парфянскага царства, уключаны ў спіс Сусветнай спадчыны ААН.
Напярэдадні стала вядома, што радыкальныя ісламісты бульдозерамі знішчалі разваліны асірыйскага горада Німруда на тэрыторыі Ірака.
Многія артэфакты, знойдзеныя ў руінах горада, былі адпраўленыя ў музеі Багдаду і за мяжу, але буйныя экспанаты засталіся ў Німрудзе.
Яшчэ раней ісламісты разбурылі экспанаты ў музеі Масула.