Brutto будзе хэдлайнерам «Басовішча-2015»

• 6.03.2015, 14:53

Новая група Сяргея Міхалка Brutto выступіць на папулярным музычным фестывалі.

Пра гэта гаворыцца на старонцы фестывалю ў «Фэйсбуку».

«Басовішча-2015» пройдзе ў польскім Гарадку 17-18 ліпеня.

Арганізатары найстарэйшага беларускага рок-фэсту ўжо вядуць перамовы з консульствам Польшчы ў Беларусі наконт бясплатных віз для наведвальнікаў і спадзяюцца на станоўчае развязанне пытання.

Нагадаем, раней стала вядома, што ў гэтым годзе на «Басовішча» вернецца конкурс маладых выканаўцаў і з'явіцца пляцоўка, якая будзе называцца «БАСмежжа».