Наведвальнік більярднай у Добрушы напаў з нажом на міліцыянтаў

• 4.03.2015, 15:23

Наведвальнік більярднай напаў з нажом на міліцыянтаў, якія спрабавалі яго сцішыць.

Скончаная справа аб панажоўшчыне ля кавярні «Фокс». На днях суд вынес прысуд 39-гадоваму жыхару Добруша. За асабліва злоснае хуліганства мужчына атрымаў 7 гадоў турмы. Падрабязнасці onliner.by паведаміў намеснік пракурора Гомля Дзяніс Мікуш.

Інцыдэнт адбыўся яшчэ год таму на Сельмашы ў більярднай «Фокс». Пара нецвярозых наведвальнікаў пачала дэбашырыць. На заўвагі персаналу паводзіць сябе спакайней мужчыны не рэагавалі. На дапамогу прыйшлі трое міліцыянтаў, якія адпачывалі ў гэтай жа установе ў вольны ад працы час. Мужчыны вывелі парушальнікаў парадку на вуліцу. Але нечакана адзін з іх дастаў нож і пайшоў у атаку. Усё гэта зафіксавала ўсталяваная на фасадзе більярднай камера відэаназірання.

Аднаму міліцыянту нож трапіў у шыю, другому пашкодзіў вуха і перадплечча, трэцяму - грудную клетку. Пацярпелыя паспрабавалі схавацца, але раз'юшаны мужчына пачаў пераслед. Па шчаслівым збегу абставінаў як раз у гэты час непадалёк ад месца здарэння праязджала патрульная машына. Дэбашыра злавілі. Ім выявіўся неаднаразова судзімы у тым ліку за разбоі, крадзеж агнястрэльнай зброі, спалучаны з разбоем, і крадзяжы жыхар Добруша. Найбліжэйшыя 7 гадоў ён правядзе за кратамі.