Нямеччына, Францыя і Польшча будуць умацоўваць абарону ЕЗ

• 31.03.2015, 9:40

Бакі дамовіліся ўмацоўваць абарону Еўразвязу на фоне канфліктаў ва Украіне і ў арабскім свеце.

Міністр абароны Нямеччыны Урсула фон дэр Ляен, яе французскі калега Жан-Іў Ле Дрыян і польскі міністр абароны Томаш Семоняк правялі ў Патсдаме сустрэчу ў фармаце «Веймарскага трохвугольніка», паведамляе Deutsche Welle.

Міністры дамовіліся ўмацоўваць абарону Еўразвязу і пры неабходнасці накіроўваць у праблемныя рэгіёны мабільныя воінскія падраздзяленні.

Са слоў Урсулы фон дэр Ляен, Еўропа сёння пакутуе ад крызісных сітуацый, як ніколі раней. «Мы павінны стаць больш хуткімі, мы павінны стаць лепшымі», - заявіла яна, падкрэсліўшы, што гаворка ідзе пра баяздольныя еўрапейскія сілы ў рамках NATO. У сваю чаргу, Жан-Іў Ле Дрыян казаў пра тое, што Еўропа мае патрэбу ў адзінай палітыцы ў сферы абароны на фоне канфліктаў ва Украіне і арабскіх краінах.

Паводле вынікаў сустрэчы міністры трох краін заявілі, што Нямеччына, Францыя і Польшча маюць намер стаць рухаючай сілай для палітыкі бяспекі і абароны Еўразвязу. Адпаведны ліст яны накіруюць на адрас вярхоўнай прадстаўніцы ЕЗ ў замежнай палітыцы і палітыцы бяспекі Федэрыкі Магерыні.