Знішчальнік ВПС Саудаўскай Аравіі зваліўся ў Адэнскага заліў
- 28.03.2015, 10:53
Амерыканскія вайскоўцы выратавалі двух пілотаў знішчальніка F-15 ВПС Саудаўскай Аравіі, што катапультаваліся над Адэнскім залівам.
Аб гэтым паведамляе Reuters са спасылкай на Пентагон, піша Lenta.ru.
Пілоты апынуліся ў міжнародных водах, дзе яны былі падабраныя амерыканскім верталётам, які выляцеў з Джыбуці паводле запыту ўладаў ЗША.
Паводле інфармацыі тэлеканала NBC, знішчальнік ударыў па шыіцкіх паўстанцах-хусітах у Емене і ўпаў з-за тэхнічнай няспраўнасці. Выратавальная аперацыя каардынавалася з борта амерыканскага эсмінца Sterett.
Раней арабскія СМІ паведамілі, што паўстанцы збілі над сталіцай Емена Саной самалёт міжнароднай кааліцыі. Таксама яны арыштавалі пілота-суданца. Ці звязаны гэты інцыдэнт з падзеннем знішчальніка ў Адэнскі заліў, незразумела.
Агенцтва Sputnik паведамляе, што міжнародная кааліцыя ў ноч на суботу наносіць авіяўдары па складах боепрыпасаў у сталіцы Сане. У горадзе грукочуць наймацнейшыя выбухі.
У ноч на чацвер, 26 сакавіка, самалёты Саудаўскай Аравіі і яе рэгіянальных саюзнікаў пачалі наносіць удары па пазіцыях у сталіцы Емена, захопленай шыіцкімі паўстанцамі-хусітамі, а таксама па іх пазіцыях СПА.
Падтрымку Эр-Рыяд у ваеннай аперацыі аказваюць шэраг дзяржаў, пераважна арабскіх. Сваю вайсковую авіяцыю гатовыя даць Аб'яднаныя Арабскія Эміраты, Кувейт, Бахрэйн, Катар і Іарданія. Кааліцыя абвясціла паветраную прастору над Еменам зонай, забароненай для палётаў.
Удзел у кампаніі прымаюць Егіпет і Пакістан. Яны накіравалі ў раён Емена ВМС і ВПС. Гэтыя дзяржавы, а таксама Судан гатовы вылучыць на аперацыю супраць хусітаў сухапутныя кантынгенты. З краін Персідскага заліва ў аперацыі не прымае ўдзел Аман.
Прэс-служба Белага дома паведаміла ў пятніцу, што прэзідэнт ЗША Барак Абама ў тэлефоннай размове выказаў падтрымку асабіста каралю Саудаўскай Аравіі Салману бен Абдэль-Азізу і ўсёй міжнароднай кааліцыі. Лідары дзвюх краін прыйшлі да згоды ў тым, што неабходнае дасягненне палітычнай стабільнасці ў Емене шляхам дыялогу паміж усімі бакамі канфлікту.