Французскі фрэгат «Лафает» прыбыў у Адэсу

• 26.03.2015, 14:06

26 сакавіка ў порт Адэсы з візітам прыбыў карабель ВМС Французскай Рэспублікі.

Пра гэта паведамляе прэс-служба Мінабароны Украіны.

«Праграмай візіту прадугледжаныя пратакольныя сустрэчы камандзіра карабля ў Адэскай гарадской радзе, абласной дзяржаўнай адміністрацыі і камандавання Ваенна-Марскіх Сіл Узброеных Сіл Украіны, правядзенне сяброўскага футбольнага матчу. Акрамя таго, плануецца правядзенне абмену досведам паміж асабістым складам фрэгата ВМС Французскай Рэспублікі «Лафает» і фрэгата ВМС Украіны «Гетман Сагайдачны» ў пытаннях арганізацыі прафесійнай падрыхтоўкі на караблях ВМС ВС Украіны і ВМС Французскай Рэспублікі», - сказана ў паведамленні.

Візіт французскага карабля будзе праходзіць з 26 да 30 сакавіка.