На вуліцы ў цэнтры Менска праламаўся асфальт

• 24.03.2015, 20:40

НЗ здарылася на скрыжаванні вуліц Кальварыйскай і Клары Цэткін.

Пра гэта паведаміў адзін з чытачоў onliner.by.

Паводле ягоных слоў, у Менску на скрыжаванні вуліц Кальварыйскай і К.Цэткін у другой паласе руху праламаўся асфальт. На месцы працуюць рамонтныя службы.

Відавочца здарэння выказаў здагадку, што пралом мог быць выкліканы будаўнічымі работамі, што вядуцца паблізу.