Замежныя вайскоўцы правядуць інспекцыю ў Беларусі
- 23.03.2015, 12:01
Інспекцыйная група Вялікабрытаніі і Паўночнай Ірландыі з 23 да 26 сакавіка наведвае Беларусь.
Пра гэта charter97.org паведамілі ў прэс-службе Мінабароны Беларусі.
«З 23 да 26 сакавіка ў адпаведнасці з пунктамі Венскага дакумента 2011 аб захадах умацавання даверу і бяспекі Рэспубліку Беларусь наведае інспекцыйная група Злучанага Каралеўства Вялікабрытаніі і Паўночнай Ірландыі. Інспекцыйнай групай будзе праведзенае наведванне 38-й гвардзейскай асобнай мабільнай брыгады.
Падчас наведвання будзе ацэненая дакладнасць інфармацыі, пададзенай Рэспублікай Беларусь дзяржавам - удзельніцам АБСЕ ў рамках Венскага дакумента, у дачыненні да асабовага складу, асноўных сістэм узбраення і вайсковай тэхнікі наведанай вайсковай часткі. У наведванні, акрамя двух вайсковых інспектараў Злучанага Каралеўства, возьмуць удзел па адным вайсковым інспектары з Італіі і Чэхіі», - адзначылі там.