У Егіпце 35 чалавек загінулі ў выніку падзення аўтобуса ў канал

• 21.03.2015, 18:09

У Егіпце каля Гізы аўтобус упаў у канал.

Паводле папярэдніх звестак, не менш за 35 чалавек загінулі, паведамляе ТАСС са спасылкай на сайт егіпецкага выдання Al-Dustour.

Паводле атрыманых ад медыкаў звестак, у аўтобусе ехалі работнікі прыватнай будаўнічай кампаніі Orascom Construction. З якой прычыны адбылася аварыя, пакуль не паведамляецца. Паводле інфармацыі мясцовай паліцыі, аўтобус вылецеў з колавай хуткаснай аўтадарогі і скуліўся з эстакады ў канал, піша Lenta.ru.

Адзначаецца, што колькасць ахвяр можа ўзрасці. Паводле папярэдніх звестак, агулам у аўтобусе магло знаходзіцца да 56 чалавек.

У паліцыі мяркуюць, што найбольш імаверная прычына аварыі - моцнае перавышэнне хуткасці кіроўцам аўтобуса.

Дарожныя аварыі, у тым ліку з шматлікімі ахвярамі - досыць частая з'ява ў Егіпце. Паводле звестак Сусветнай арганізацыі аховы здароўя (СААЗ), штогод у гэтай краіне ў ДТЗ гіне блізу 12 тысяч чалавек. У агульнай колькасці ахвяр ДТЗ Егіпет займае 19 месца ў свеце.