Парашэнка надаў Саўчанцы годнасць Героя Украіны

• 2.03.2015, 19:35

Лётчыца галадае далей на знак пратэсту супраць утрымання ў турме.

Пятро Парашэнка надаў народнай дэпутатцы Украіны, сябры дэлегацыі ў ПАРЕ Надзеі Саўчанцы годнасць Герой Украіны. Пра гэта сайту charter97.org паведамілі ў прэс-службе прэзідэнта Украіны.

Надзея Саўчанка была выкрадзеная ваеўнікамі на Данбасе ўлетку 2014 года, а затым яе перавезлі ў Расею, дзе абвінавацілі ў датычнасці да загубы расейскіх журналістаў. Таксама ў Расеі ўкраінскую лётчыцам абвінавацілі ў незаконным перасячэнні мяжы.

26 кастрычніка 2014 года на пазачарговых парламенцкіх выбарах Саўчанка была абраная народным дэпутатам паводле спісу партыі «Бацькаўшчына». Вярхоўная Рада дэлегавала яе ў ПАРЕ.

15 снежня Саўчанка абвясціла галадоўку.

10 лютага Басманны суд Масквы падоўжыў тэрмін арышту Саўчанкі да 13 траўня.