Міхаіл Прохараў пакінуў «Грамадзянскую платформу»

• 13.03.2015, 15:32

Заснавальнік «Грамадзянскай платформы», расейскі бізнэсовец Міхаіл Прохараў заявіў пра свой выхад з партыі.

Фактычна былы кандыдат у прэзідэнты РФ заклікаў да роспуску арганізацыі, прапанаваўшы ўсім яе сябрам зрабіць, так, як ён, паведамляе BBC.

«На мой погляд, мы не павінны сваёй рэпутацыяй падтрымліваць бессэнсоўны палітычны праект», - заявіў Прохараў на пасяджэнні федэральнага грамадзянскага камітэта.

«Партыя павінна быць альбо ліквідаваная, альбо змяніць сваю назву», - дадаў ён.

Прохараў упершыню заявіў пра свой магчымы хуткі сыход з партыі пасля таго, як «Грамадзянская платформа» ўзяла ўдзел у дэманстрацыі руху «Антымайдан», якая прайшла ў цэнтры Масквы 21 лютага.