Менскае «Дынама» папоўнілася футбалістам нацыянальнай каманды Арменіі

• 10.03.2015, 15:37

Паўабаронца нацыянальнай каманды Арменіі Артур Едзігаран падпісаў з менскім «Дынама» кантракт паводле схемы 1+1.

Футбаліст згуляў за нацыянальную каманду сваёй краіны 41 матч і ў беларускім чэмпіянаце не будзе трапляць пад легіянерскі ліміт.

Паводле інфармацыі БелаПАН, менскае «Дынама» - сёмы клуб у кар'еры 27-гадовага гульца, да гэтага ён выступаў на радзіме за «Пюнік» і «Бананц» і чатыры разы станавіўся чэмпіёнам Арменіі. У Артура Едзігарана таксама багаты легіянерскі досвед, футбаліст выступаў у чэмпіянатах Ірана (ПАС, Хамадан), Расеі («Хімкі»), Украіны («Гаверла», Ужгарад) і Казахстана («Кайрат»).

Нагадаем, у гэтым сезоне менчукі падпісалі кантракты з двума форвардамі з Балканскай паўвыспы - Нусмірам Файічам і Фатасам Бечыраем.

На праглядзе ў другой беларускай камандзе паводле вынікаў мінулага чэмпіянату знаходзяцца дасведчаны галкіпер Васіль Хамутоўскі і бразільскі паўабаронца Фернанда Сілва дос Сантас.

Цяпер менскае «Дынама» праводзіць трэці вучэбна-трэніровачны збор у турэцкім Белеку. Каманда згуляла 7 лютага ўнічыю (1: 1) з расейскай «Сібірру». У планах яшчэ два спарынгі - 11 сакавіка супраць расейскага «Зеніта-2», а на наступны дзень - супраць кіеўскага «Дынама-2».