У Мінску міліцыя забараняе асвятляць акцыю памяці Нямцова

• 1.03.2015, 15:34

Журналістам не дазваляюць фатаграфаваць акцыю, якая праходзіць каля расейскай амбасады.

У Мінску 1 сакавіка адначасова з жалобным маршам у Маскве ля сцен расейскай амбасады праходзіць акцыя памяці расійскага апазіцыйнага палітыка Барыса Нямцова. Разам з тым міліцыя па просьбе амбасады перашкаджае журналістам асвятляць акцыю, піша krynica.info.

Ва ўсіх журналістаў ля амбасады перапісваюць дадзеныя і не дазваляюць фатаграфаваць акцыю.

Удзельнікі мерапрыемства маюць намер ускласці кветкі да амбасады і запаліць свечкі.

Расейскі апазіцыянер Барыс Нямцоў быў забіты ўвечары 27 лютага ў самым цэнтры Масквы недалёка ад Крамля.