Дэпутаты: Вяртанне да Менскіх пагадненняў малаверагоднае
- 7.02.2015, 13:51
Расея не прызнае сябе бокам канфлікту ў Данбасе, што робіць немагчымым рэалізацыю Менскіх пагадненняў.
Пра гэта ў эфіры 5 канала заявіла народны дэпутат Украіны ад партыі "Самопомоч" Алена Сотнік, каментуючы перамовы лідараў Нямеччыны, Францыі і Расеі ў Маскве.
"Хутчэй за ўсё, вярнуцца да Менскіх пагадненняў не выпадае, бо Расея не прызнае сябе бокам канфлікту на Данбасе", - сказала Сотнік.
Яна таксама адзначыла, што еўрапейскія дзяржавы будуць рабіць усё, каб не забяспечыць Украіну зброяй.
"Пазіцыя Еўропы - зрабіць усё, але не даваць Украіне ўзбраенне", - мяркуе нардэп.
Дзяржсакратар ЗША Джон Кэры заяўляў, што прэзідэнт Амерыкі Барак Абама разглядае магчымасць паставак Украіне абарончай зброі.