Хуліган пашкодзіў у цэнтры Менска чатыры аўтамабілі

• 6.02.2015, 9:48

Невядомы парэзаў вострым прадметам покрыўкі на чатырох аўтамабілях.

Прычым машыны былі прыпаркаваныя згодна з правіламі каля кавярні «Маяк» на вуліцы Маякоўскага, 75. Характэрна, што зламысніку чымсьці не дагадзіла задняе кола з кіруючага боку: ва ўсіх аўтамабілях ён рэзаў покрыўкі менавіта там. Асоба зламысніка пакуль не ўстаноўленая.

Інцыдэнт адбыўся ў мінулыя выходныя, паведамілі ў ГУУС сталіцы.

Міліцыя звяртаецца па дапамогу да магчымых відавочцаў здарэння, а таксама да тых, хто валодае якой-небудзь інфармацыяй, якая можа дапамагчы ва ўстанаўленні асобы зламысніка, вы можаце звярнуцца са звесткамі ў Ленінскі РУУС горада Менска.